ياحبيبي عسى عمر المحبه يطول=نهتني في حياة العمر قبل الزوال
حبك اللي ملكني ياحسين الدلول=ياحسين الدلول وياحسين الجمال
والله اني عقب فرقاك تقل مهبول=نوب اوجه جنوب ونوب اوجه شمال
الهواجيس في صدري تصول وتجول=ضاق صدري من هجوسي ولابه مجال
اشهد اني من الفرقاء عليل وملول=كل ماغبت عني صاب عقلي هبال
صورتك في خيالي مستحيله تزول=ماتفارق خيالي لو تطول الليال
وقلبي اللي على لاماك شفق وميول=كل ماجيت ابى انهى القلب عيا ومال
لوما بيني وبينك ظروفٍ تحول=صرت لك ياحبيب الروح مثل الظلال
ياوجودي وجودي وجد راع الذلول=يوم حول وخلاها بليا عقال
فوقها شربه وزاده وقشراً جفول=كل ماشافته يركض يجيها جفال
المحبه لها قدر ومقام ووصول=مايحافظ عليها غير بعض الرجال