ماعاد لي شفٍ ولا عاد لك شف=الكل منا راح يتبع لشفه
لو تبكي عيوني على كل من هف=جفت دموعي والمقفي مهفه
خذها صريحه لامتى أدور و لف=مافات مات بساط الاحلام لفه
أما اصير مع أول الناس بالصف=ولا.. تشوم النفس عن كل صفه
الورد ماله سوق ياصاح لاجف=خله لصلفات الهبايب تهفه
الحر سمي حر والريش ماضف=وشلون لاأشتدت مخاليب كفه
إلى هنا .واقول ياصاحبي قف=ماعشت لعقول الأوادم مخفه
دنياك مادامت ومن غدرها خف=لاتأمن الايام والقلب صفه