|
ديوان الشاعر المختلف
السلام عليكم ورحمة الله وبركاته وكل عام وانتم بخير ( ) ( ) ( )
تبغى تعيش الحياة انسان = مفعم بالاحساس والطيبه ؟ إبعد عن مثلّث الاحزان = الشك والزيف والغيبه مع فائق التحيه |
ديوان الشاعر المختلف
السلام عليكم ورحمة الله وبركاته ( ) ( ) ( )
لو الغلا من فؤادك راح = واطفى وله لي فعيونك لأصنع من الذكريات وشاح = اتقلده واخلف ضنونك تحيتي العطره للجميع |
مساكم الله بالخير يارفاقه ( ) ( ) ( ) ( )
المختلف= خلّيه لاحارت شفاتك = يحكي حديث الغرام الطرف ويكون للود مرسالك = يترجم شعورك لهم بالحرف الـصامـت= يالمختلف ما أروع أبياتك = دايم وهي تفوق الوصف الله ينولك رغباتك = وتبقى كذا دوم أول صف |
صباح الخير على اهل الخير ( ) ( ) ( )
المختلف= من اجل عينه هجرت عيون = أهدابها ظلّها وارف خوفي على قلبي المفتون = يندم على عشقه الجارف الكاشف= مادام عينه عليك تمون = والقلب للقلب متوالف عيش الغرام الذي مجنون = لو صرت طول العمر خارف |
ديوان الشاعر المختلف
صبحكم الله بالخير ( ) ( ) ( )
لا لفّنا الليل بسكونه = ونامت عيونه خلي الهم تطري على الخاطر حزونه = وتذرف عيون المعنى دم ازكى تحيه للجميع |
ديوان الشاعر المختلف
صباح الخير احبتي الاعزاء ===== ==== === == =
افرح اذا جيت فالميعاد = واحزن اذا فات ميعادك لجل المسافات والابعاد = تذوب في سكة ودادك تحاياي العطره للجميع |
المختلف= ماتدري ان الغياب يضير؟ = ياموقف الوقت بغيابك ارجع وخلي الحياه تسير = لانا ولاالوقت نسخابك أسير الغرام= جميل هذا لو انه يصير=ما يضيّع الود ما نابك لو غاب يحصل منه تجيير=ما فات يضيفه على حسابك ..............= إن كان ما للزمن تأثير=أو إنه يكون حرّابك وما له في طي العمر تدبير=وتوقف مع وقوفه ركابك ..............= يمكن كذا للأمر تبرير=تحسب حسابك على ما بك وبخلاف هذا لك التحذير=لو أوقف الوقت ينحى بك ويضيع نصف العمر تبذير=ويصيب ودك كما صابك ما يفيد فاللي حصل تغيير=والوقت ما يقبل عتابك ...........= مطلبك لا تكتبه تحرير= إن شفت لك ود يرضى بك قبل قرارك لك التفكير=وخذ النصيحة من أصحابك |
ديوان الشاعر المختلف
السلام عليكم 00 واليكم 00 بعدالتحيه يااحبتي ^^^^^ ^^^^ ^^^ ^^ ^
ياما حكى عن هجير الصد = اللي انكوى فيه قدامي واللي انا فيه ماينعد = لو باكتبه يدمي اقلامي للجميع ازكى واعطر تحيه |
ديوان الشاعر المختلف
مشاكل الطرف ماتنتهي كســــــــــرة من الخيـــــــال ( ) ( ) ( ) (
إسترسل الطرف في شوفُه = منظر وحتّم عليه يجــــول لكن تملّك منه خوفُه = لمّا اختفى المنظر المجهول ازكى واعذب تحية للجميع |
مساء الخير على اهل الخير والطيبه ( ) ( ) ( )
المختلف= من بين زحمة ظروفي جيت = أتبع هوى رغبة اشواقي مع فارق الوقت والتوقيت =عن ماضي العمر والباقي علي عيد البشري= يامرحبابك بعد هليت = ترحيب من داخل اعماقي باقي مكانك ولو ابطيت = لابد للشمس مشراقي |
الساعة الآن 02:42 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir