يامل قلب(ن) هواجيســــــــه يودنــــــــــه = على مدارالفكر صـــــــــعب المــــطاليبي
حاول يصــــــــــده ولكن غصب حـــــــدنه = وأصبح مجرد لهـــــــــن حبل ومقاضيبي
حتى الكوابيس في مرقــــــــــده لجنــــــه = من عقله الباطني جن باالمــــــــــجاذيبي
سود الليالي لدرب الضـــــــــــيم مشــــنه = وأيضا ظروفــــــــه على مااراد ماتجيبي
حظه وقف له وخــــــــالف ماحسب ضنه = والناس في سيرته صاروا مشـــــــاذيبي
من كل صــــــــوب العــــوايق كثر لاعنه = غدت همـــــــــومه على وقته محاضيبي
ماله مــــــــــلاذ ونجاة الأ على الكــــــنه = من كبرمابه تباطى شمــــــــــسه تغــيبي
ياما تمنى الســــــــــــلامه بس ماعنـــــه = الواقع اللي يســـــوقه باالمشــــــــاعيبي
ضاق الفضا به بوسعه وأطلق الونـــــــه = واليأس عشش على ضلوع(ن) محاديبي
ويوم أنها خابت الحيــــــلات وأضننـــــه = لد النظر للذي راجيــــــــــــه مايخـــــيبي
رفع لربه يدينــــــــه باالدعـــــــــاء لأنه = صكت بوجـــــــهه تشاريق ومغاريـــبي
ومن عقب شكــــــــواه لله جاه ماأحتنه = ولاحت من الرب بشرى جرحـه يطيبي
بالصبر نال الفرج وأفراحــــــــه ألفنه = وأوقاته العوج طابت بالمـــــــشاريبي