|
خلي يسافر كذا بسكات=من دون يبعث لي الإشعار أقلَّها يرسل الأبيات=وأقطف نوامي من الأشعار بعض البشر عندهم عادات=ينسى خويه مع الاخيار لاكان ناوي على الزلات=ترى الزمن ياصاحبي بيطار سلام يا طيِّب العادات=يمكن بعذره مع الأسفار ما اصاحب الا خوي وقفات=بس اتطمن وش الأخبار الادمي اغلب اللحظات= معذور معذور لاتحتار طبع البشر دايماً غلطات=يابخت من يقبل المعذار نظلم معانا كثير أوقات=والوقت واحد وحنا أطوار من كان يحكم على النظرات=فالقلب سابق على الأنظار |
أشقى القلوب
لي قلب بالطيب متعبني=يبغى الفضايل لأحبابه والرد دايم معاندني=من دون لاا أعرف أسبابه ياطيب القلب طاوعني=الطيب معروف من جابه والرد مهما يراودني= ماغير القصد والجابه فكري بالأوضاع شاغلني=وأسعى على الخير من بابه وبالواجب العقل يلزمني=وأدرى عن الورد وأعنى به وضعك طبيعي وفاهمني=مافيه بالطيب نصابه الطيب مهما تغلطني=ميجوز نعمل على ارهابه صورة على البال تقلقني=دون الأمل صكت أبوابه في كل لحظة تعاودني=كيف أقبل الزاد وأهنا به مهما حصل لاتخالفني=ابقى على الصبر ورضابه الصبر مهما تشاورني=عاده على طول كسابه للصبر موعود يسعدني=في وجهة الخير نسعى به والكل في ذا الأمر مَعْنِي=بِشِرْعة الله في كتابه زيد الصبر للعنب تجني=الصبر كل(ن) تغنابه مازيد للي يحاورني=غير الدعاء وانت ادرابه يامن على الصبر ناصحني=تحصل على الشهد من صابه فينا السبب لو تصارحني=والرب ماخاب طلابه لاشك حضرتك تعجبني=تمشي مع الخط وتهابه عارفك لاشك عارفني=خطوه وتحصل على اعجابه |
شفت البدر مكتمل عالي=وأيقنت إن الموادع حان ودِّع وكثِّر من الغالي=قِدَّام لا تقفل البيبان اليوم ذاك البدر زالي = رحماك يالعاتق المنان واليوم ياهلال شوالي = شفناك طليت للأعيان |
الرزق من ربنا محدود=والناس تطلب ورى المضمون واللي ضمن جنته معدود=خلِّ العمل بينها موزون فاني النعيم دونها مزهود=ودون الجحيم البلايا تهون لا تسهى عن وِرْدَهَا المورود=دام ان نجاتك عليها ظنون الصوم هذا شهر مجهود=الادمي يظهر المكنون يطلب من الله كل الفود=ويالله نطلبك منك العون ندعوك وانت الكريم تجود=والناس لرضاك هم يسعون يالله يالواحد المعبود=تغفر لنا الذنب مهما يكون سحايب وبرق معه رعود = ومن باب فضله تهل موزون يسقى العطاشا كريم الجود= اللي خلقنا في هذا الكون نأمل ونرجوك يامعبود = فرج عن البايس المحزون والباب لا تجعله مسدود = في وجيهنا ومدنا بالعون |
هات اللحن هل يالافي=شوفي لكم حرك الآهات منكم يجينا اللحن صافي=ياليت نحيي زماناً فات يا ليت ياجنبي الـدافي = أقدر أصيغ اللحن لاجات والناس ما تعلم الخافي = اللي منـه يا فهـد ما بات توقيت ياصاحبي وافي=جيناك في أطيب الأوقات في مثلها يبان ميقافي=نرسم نغم للعليل يبات حظي بلــغ حــد مهيــافي = ولاأعرف إن الهواء هبات وضيعت بوتي ومجــدافي = وأمسيت أصارع الموجات مادام لك حظك مجافي=علاج الهوى من صميم الذات أما على خطه موافي=والا احتسي لأصعب الأوقات |
السلام عليكم ورحمة الله وبركاته هذه كسرة قلتها في نوع من المدراء الذين يعدون حسناتك سيئات ليبين بأنه مطلع وعارف بينما هو يسيء إلى نفسه فهذه النوعية مالها إلا الطناش واحتسب عند الله وذلك عام 1422هـ
تقبَّل النَّقد من عاقل=وأصحا مديرك تناظر فيه للنقد عنده غرض سافل=يبغى يحافظ على كُرْسِيه |
حد الشبه لاربعين يطول=تجاوز الحرف والأرقام كيف التشابه وصل للقول=أفتيني يا صاحب الأحكام راع التشابه ترى مجهول=ولا القريحه تبي اقلام الله عطا ميزت(ن) وعقول=وتنشيطكم للصالح العام اللي وصلنا من المنقول=مختار يا صاحبي بإحكام لكن قولك جديد يحول=للقلب أسرع من الأفهام الناس غايه تبي المجمول=واللي مشابه عليه اعلام ياصاحبي يجيك مرسول=في ملتقى عليه انظام الآن وردوا شهـود عــدول =وأصبح علينا الحكم الزام والناس تعرف مقاس الحول =ما يختلف عن سنتنا العام الحكم لازم يكون معقول=وطالب الحق ماينلام واليوم ياصاحبي مقبول=والحول قوَّة قبل أيام لنكان صادف أمر مشغول=وانكان عقب الشهور اصيام ترى الحق جاك بسهول=لجلك عزيز وبعيد اخصام الخط لو بيننا مفصول=مابغى وسايل من الإعلام للروح هاتف أبد موصول=لاحبابنا من رجال حشام الاسد قالو وراه اشبول=يانعم فيك وسبع انعام كمول ياصاحبي كمول=لو صرت للخصم لطام |
ما يصبر الخل لو ساعة=وإن غاب أحصي ثوانيها والنفس في الود طماعة=ما غيرها العين ترضيها الملتقى له ناس صناعة=لو غاب ترجع مجاريها والقلب صاير لكم طاعة=من دون الناس نشريها باودعك يالصاحب اوداعه =وداعة غلا وأنت راعيها لي نفس بالحيــل ملتـاعه =خــذها معــك لا تخليهـا النفس في الود خضاعة=هواها من ود غاليها لو تنهى ما هي بمنصاعة=وشلون لو كان مغليها الخل داري على اوجاعه=لو عافت النفس يحيها والقلب صاير لكم طاعة=من دون الناس نشريها لا تقلُّهم قــوم فزاعــة =اللي نبيهــا نباريهــا ولا شفت ما فيه مناعة =الطيبــة كلنــا فيهـــا لأهل الوفا النفس نزاعة=لقاهم أسما معانيها ولصرخة الحق سماعة=ما دام طابت مرابيها مــا ذمهـم ربــع بتـــاعــة =ربــعٍ تشــرف بمـاضيهــا ومن يشري الزين ما باعه =والنار في رجــل واطيها من يحمل الحب واشراعه=وبحوووور دايم يسويها لابد تمشي على شعاعه=لاصار قلبك يطريها |
لا يدخل القلب من يشناك=واقصر على الخير والراغب لجل إيش تزعل على دنياك=ما دام حتى العمر ذاهب تسلم لما خطته يمناك = نصيحة العارف الصايب هذي مبادي انا وياك=وكيد من طاعها كاسب |
سلام من قلب تلعب به=زود الهواجيس وأحواله والوقت ما فادني طبه=من ظلمة الدرب وأهواله الأدمي يشكي لربه=شكواه للرب احلاله كريم من جاه ماكبه=وحيد والناس تلجاله |
الساعة الآن 07:47 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir