ملتقى قبيلة حرب الرسمي - الليل لاطرف تجيك الهواجيس

الشاعر حمود الجابري

صح لسانك وسلمت ودمت

قصيده تستحق الثناء وجديره بالأهتمام
ومن باب الاهتمام بها وجدت ملاحضات اسمح لي بالتطرق اليها

الليل لاطـرف تجيـك الهواجيـس
يطري على القلب المعنى الطـواري
( يطري للمفرد 00 الطواري جمع ---- اعتقد انه من الاولى ان تقول -- تطري على القلب المعنى طواري ) -- وقد حذفت ال التعريف لان الطواري تحديد لاشياء محدده اما بدون ال التعريف بقول طواري تكون مطلقه متجدده

ومن تجربة غير كسبنـا النواميـس
وكشفت فرقـت الأولـه والتجـاري
تجربة الاخرين لا اعتقد انها تجلب للشخص نوماس بكامل المعنى

اعتقد لو قلت
ومن تجربة غيري جمعت المتاريس

فالمثل يقول ( العاقل من جرب له ) ان العقلاء هم الذين يستفيدون من تجارب الاخرين

ومشيت بالدنيا ببعـض التضاريـس
وحددت في وقت التجارب مسـاري

المسار قبل التجربه قابل ان يكون صائب وقابل ان يكون خاطيء
ولاكن بعد التجربه يقال ( اسأل مجرب ولا تسأل طبيب )
اعتقد ان الأولى ان تقول ( وحددت من بعد التجارب مساري ) وبذلك يكون لمسارك برهان ( والتجربه خير برهان )

وطوي بيوت الشعر طوي القراطيس
ونحت صخر وسبح بحـر بقتـداري

اعتقد ان هناك خطاء املائي

واطوي بيوت الشعر طوي القراطيس
وانحت صخر واسبح بحـر بقتـداري

عنوانه بالوقت صـدق الأحاسيـس
بين الرجال اللي تحفـظ المسـاري

قد يكون هنا خطاء املائي
( عنوانه = عنوانهم )

اما هذه الأبيات :
شفي ومضمونـي وراثـه وتأسيـس=مضمونهـا ماهـو علـي أختيـاري
مضمونها بين الضلـوع المقاويـس=للخـوه اللـي يحفطـون اعتبـاري
أونس بقلبي مثل صلـي المحاميـس=لامن طرتلـي زاد همـي وجـاري
لامـن سرينـا بالليـال الطلاميـس=بالهون نمشي وسط ليـل الغـداري
وتزين لا لاحت بـروق الغطاليـس=ي بـر مابـه لاعمـار وكبـاري
الخـوه اللـي كلبوهـا نوامـيـس=والكـل للثانـي بعـرفـه يـبـاري
عنوانه بالوقت صـدق الأحاسيـس=بين الرجال اللي تحفـظ المسـاري
ماهي سواة أهل الـردى والدنافيـس=تحتار في عـرف ولانتـه بـداري
يمشي على عرفه بدعم الجواسيـس=من عرف راسه بان حوله مـواري

لاجا النهار يطـش كـل الفوانيـس=وبالليل صارت بين بايـع وشـاري
قلنا وصرنا فـي عيونـه مفاليـس=ماتعرف اللي وسط راسـه يـداري
مصيبة" صارت بخلـف الكواليـس=أثارهـا بانـت يميـن ويـسـاري
اللـي لقيتـه بالوجيـه المتاعيـس=انـه يولـع بيـن الأجـواد نـاري
نبـى انتصبـر لاتقـب المقابيـس=ونحلهـا مـن قبـل هـل العبـاري
وترى الكبير اللـي علـوه مناكيـس=لاصار ضايع ضاع معه الصغـاري
لابد ما نصبـح عليهـم محاريـس=وضعن جبرنـا زاد فيـه احتيـاري
نحتـار بالدنيـا بكـل المقايـيـس=غصبن علينا مـع زمنـا نجـاري

هذه ابيات شاعر متمكن ذو نضر ثاقب يستحق كاتبها الأجلال والاحترام فأن خليت الدنيا من اهل هذه المباديء فلاخير فيها
ابيات جعلتني اشعر انني دخلت بعالم كاتبها وانا لا اعرفه بشخصه
حسب فهمي المتواضع ان شرحها يطول وعمقها يحتاج لغواص يستطيع الغوص باعماق المفردات
وحيث انها صلب موضوعك لم اجد بها ملاحضات حتى املائيه
ان لم يخونني فهمي لا أقول الا كان الله بعونك وحقق ماتتمناه
تستحق اكثر من ما كتبته من اشاده ولاكن اخشي ان تكون في الزياده كشف لما فهمته وقد اكون على صواب وقد لا اكون
انت مبدع من وجهة نضري

صح لسانك وسلمت يمينك

وان خالفت ملاحضاتي او اقتنعت بها فأنت شاعر مبدع اصيل بنضري

وتقبل تحياتي وتقديري