مل قلبٍ بين غار وبين نار=ان عذلته ون وان طعته عوى ما تريَح لا بليل ولا نهار=من خطر نجمٍ على جوَه هوى ما تطيع ارياه راي المستشار=ان قويت الروح قلبي ما قوى احجب العبرات عن شوف الصغار=خوف لا نبكي على الدعوى سوى كود مره شافها اغلاهم وثار=قال تبكي قلت له مالك لوى |
ليل الدجى يضفي على الشوق حرقه= والفكر في بحر الهواجيس غارق والقلب نبضه زاد والعلم درقه= من واحدٍ زينه على الزين فارق رغم ان شوفة متلف الروح سرقه= كني فتحت الاندلس يوم طارق خًير جيوشه بين نشوه وغرقه= واختاروا احراق السفن والزوارق ويوم اعتلج في جو مدريد برقه= طاحت بيارق واستعزت بيارق للصارم ادلايه وللرمح زرقه= وملاوع الفريس مابه مدارق اما على وضح النقى بان فرقه= ولاَ غشاه اللوم مع كل بارق والضلع لاجاوب تباريح ورقه= لولا الصدى قالوا من السلم مارق وان كان لك قدره على الشامخ ارقه= ياللي ذكاك مع الذكيين خارق وغصن النوامي يردعه طيب عرقه= لومانت بعيوني على الكون شارق واللي بكبده مر والحلق شرقه= عند الطبيب علاج كل الحوارق والكون لاساويت غربه بشرقه= يضحك عليك اللي يعرف الفوارق |
اقدم هذه المشاركه واتمنى ان تخاطب قلوبكم
كل ما بغيت اقول في خاطري شي=لقيت قبلي فيه عند العرب ضوح مدري نبوغة فكر ولاَ معي حي=يقرالي افكار المخاليق بوضوح الوذ بافكاري عن الموجعه زي=من لاذ عن طلابته دم مذبوح انسى العذاب شوي وارجع له شوي=اروح عنه بعيد واثري له اروح حتى نديمٍ لي كوى مهجتي كي=وهو يدري انه عندي اغلا من الروح اقفى وعيني من رحل تفقد الضي=وهو من فراقي لو ضحك بات مجروح والله لو ادري عنك وآحدد من اي=لانخى السوالم واتعزوى بمسروح واروح يم ابوك لو كان بدبي=وانخاه باهل الجاه والمال والبوح لا شك عذري منك يا وارف الفي=انك ضنى طحطوح وتحب طحطوح تدري بخير..وزبدة العلم..هي هي=ان عشت بك مسموح وان مت مسموح |
هذه الأبيات من أواخر ما كتبت أتمنى أن تجد القبول في قلوبكم
ياحي هاكا الضيا اللي يضحك حجاجه=اللي يشعشع معي من وين ما اوجه تبقى بقلبي وعيدي لحظة مواجه=مع غرة أول ليالي عشر ذي الحجه ياصبح عمري بليلٍ طافي سراجه=يا نوةٍ كفت الماطر عن العجه رذرذ على القلب من ديم الغلا فاجه=احي العروق اليباس وعالج السجه الشعر ما اغليت لعبونه ومجماجه=إلاَ على شان علمٍ يدحض الحجه كلٍ وله في محيط الشعر منهاجه=خطوات معتدله وخطوات معوجه لو مرسل الدمع مست روحه الحاجه=ما باح سده ولو منتوجه الدجه اكفكف الدمع وادوي مع تلجلاجه=بين المعاليق اكن الغيظ وآمجه لو صاب غيري ما صاب القلب وخلاجه=شفت العقول الرزينه ليه مرتجه |
الساعة الآن 08:53 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir