طلال المعبدي=
الاولـــه جـيـنـا عـشــان فـلانـيـة ,, الـلــي يـبــا المـلـعـوب مـايـرجــع وراه=لو كان ماضد الحديد الا الحديد ,, اللي عقد روس الحبال يحلها
الـثـانـيـه لــجــل الـعـلــوم الـثـانـيـة ,, فالـثـانـيـه والـعـلــم يـاصل منتهاه=الليلـة السكيـن فـي حبـل الوريـد ,, اللـي عـقـد روس الحـبـال يحلـهـا
محمد عبدالله البدراني=
الاوله لاجيت سوق العانيه ,, لأجـل الخـوي مانلحقـه لآخـر قصـاه =وحـنـا نـريـد والله يفـعـل مايـريـد ,,الـلـي عـقـد روس الحـبـال يحـلـهـا
والثانيـة تاطـى سريـح السانيـه ,, ولاكـل مـن يبغـى يحصـل مبتغـاه =وبعض السوالف لاتجي فيها عنيد ,,اللي عقد روس الحبال يحلها
طلال المعبدي=
ماهـي كثيـرة منـك ياالبدرانـيـة ,, ولا الـخـوي مايـعـرف ألا بمـخـاواه=لاتدرق سـد البنـوك أم الرصيـد ,, اللـي عقـد روس الحبـال يحلهـا
نـاطـا رقــاب الـقـوم والعدوانـيـه ,, والبـيـض لـلـي مايـصـدى مـحـتـواه=قسمي مع الضفران لازادوا نزيد ,, اللي عقد روس الحبال يحلها
محمدعبدالله البدراني=
لاتلوي اعناق الحروف الفانيه ,, كان انت تبغى تاصل ال طوق النجاه=حـاضـر بحـاضـر لاتـزيـد ولا تعـيـد ,, الـلـي عـقـد روس الـحـبـال ايحـلـهـا
جنتك تحت اقدام ذيـك الحانيـه ,, لا ارضيتهـا لاتحسـب احسـاب البغـاه=وانتـه كفـو بالفعـل لكـن وش باليـد ,, اللـي عـقـد روس الحـبـال ايحلـهـا
طلال المعبدي=
ماني مجردهـا الثيـاب الهانيـه ,, وأنـا تنجيتنـي حبـال مـن الإلـه=وإما تفيـد اليـوم مانتـا مستفيـد ,, اللـي عقـد روس الحبـال يحلهـا
نارك من اللي يشعل النيرانيه ,, لكن خلك مع مريعت العصـاه=مافاد يوم تقيمه قافيك الشديد ,, اللي عقد روس الحبال ايحلها
محمد عبدالله البدراني=
الـبـان مايـشـبـه لـقــول البـانـيـه ,, لاقـلــت قـــولٍ دقـقــه فـــي مـحـتـواه=ولا كل يومٍ لك ترى يومٍ ٍ سعيد ,, اللـي عقـد روس الحبـال ايحلهـا
ولاتقول كان وكان ياما كانيه ,, لا رخيت لأذنك روحـوا فيـك الوشـاه= واحذر من اللي قولها هل من مزيد ,,واللي عقد روس الحبال يحلها=
طلال المعبدي=
بيت الغنى يخجل من الفقرانيه ,, وأستر رفيقي ماني بكاشف غطاه=أحكم بني العباس هـارون الرشيـد ,, اللـي عقـد روس الحبـال يحلهـا
ياكبـرهـا يـامـخـون الصدقـانـيـه ,, تـــرى سـلـيـم الـفـعـل مايـخـشـى عـــداه=لك الله لاأصنفرك صنفرت العبيـد ,, اللـي عقـد روس الحبـال يحلهـا
محمد عبدالله البدراني=
دش البحر واحذر من الحيتانيه ..واحزم لراسك قبل لا تطق الصفاه=والحكم لله واسمع الـراي السديـد .. اللـي عقـد روس الحبـال ايحلهـا
بالله لاتشمـت بنـا العدوانـيـه .. واقــول هــف امقـيـط والحقـتـه رشــاه=ومايتقن افعال العبيد الا المسيد,, واللي عقـد روس الحبـال ايحلهـا
طلال المعبدي=
لاعــودت لله عـظـيـم الشـانـيـه ,, الـفـضـل فـضــل الـلــي تـلــوا فـــي ذراه=وأنا ماأسل السيف لأعزل بالجريد ,, اللي عقد روس الحبال يحلها
وإنتـه يابـن بـدران فالأكفـا نيـه ,, لوكنـت بجـوف الارض ولا فالحيـاه=من مات موت العافيه ماهو شهيد ,, اللي عقد روس الحبال يحلها
محمدعبدالله البدراني=
وابك انت ليتك تلعن الشيطانيه .. ثم تطلب الله في سجودك بالصلاه=انـه يـدلـك للهدى وتصـبـح رشـيـد.. والـلـي عـقـد روس الحـبـال يحلـهـا
اوميـت لـك ثـم صحـت لــك علانـيـه ..لـكـن مثـلـك مايقـلـل مــن غــلاه=عنـدي وقـدرك قــدر مـاهـو بالزهـيـد ..الـلـي عـقـد روس الحـبـال يحلـهـا