|
ياجماعة قولولي هو أيش قصته فالتفصيل تكفون أنا حاولت أفهم منه شي وماقدرت يعلج الهرج علج وجالس جلسه ماأدري كيف إسمحولي على التعبير والله كنه نعجه ضروب
|
ما يحتاج اعلمك تابع قناااااااااااااااة الساحه وشف الغلط ووووين
|
هذه والله أعلم رد حرب على كديميس
سر ياقلم وانقض كلام المثارين=صدنا الهدف يومن ربي قدانا نرميه باللي تقسم الراس قسمين=في وقتها واليوم جاه معنانا سرساح جانا ثايرن عقب عامين=فزاع والفزاع يلقى لقانا لو كان ماحنا عليهم حريصين=ولا همنا راع الحكى لو حكانا لاشك رد المشكله ثالث اثنين=من بعد جاه شيوخهم ووجهانا متجاهلن سلم العرب والقوانين=سرساح ملعون الجدف ماغوانا مادري علامه يدرق الناس باسمين=يافهيد ياكديميس يابو لسانا قصدك تبيها لعبة فوق حبلين=والا ان باسمن من حديهن طمانا اهل الحيل والزيف ماتو فقيرين=تنعاك والله عيشتك يالجبانا ماهو هلابك ياوكيل المولين=يالهمشري ماضن عقلك تكانا يامحرك الفتنه خفى وانت ماتبين=اللي تخفى من مباديك بانا حقير تمشي في مماشي حقيرين=يامثور الفتنه بضل الأمانا وريت حجة من على الدرب غادين=وريت سايه ماورثت الحسانا اثر العصمه يبيارثون الدماسين=بالخبث والعلم الردي والهوانا حدرك من لاظهرك يامنقع الشين=تاخذ على شعار حرب الضمانا ان كان ماتدري عن الشين والزين=حنا نعلمكم عيانن بيانا وان كانكم في شعركم مستغرين=انتم وسمسم ماتبلل جمانا وان كانكم في فعلكم مستعزين=العز قدامك وسامه دهانا يومن للهيجاء مجال وميادين=ننزل ديارك ماتقرب حمانا ننزل ديارك بالسيوف ام حدين=وشهودنا ذاك الزمن والمكانا الوقت بين والشهود الاكاوين=عرجاء وطخفه من ديارك ضمانا وانك مما قلنا لكم مستقرين=والناس تدري والخبر مايخفانا ومن القبايل نعتبركم موالين=وانعزكم لو طيبكم ماوزانا قلتولنا ياحرب حنا قريبين=انتم بديتم يمنا مارجانا قلتم شبابه من عصور القديمين=وقلنا هلا طبعن لنا من زمانا قولت هلا للضيف والمستحقين=طبعا عليها ساسنا من كمانا وان كان قلت اليوم منكم بريين=حنا ماحنا بحال من لا بغانا حلوين في حاله وفي حال مرين=الله على الدرب الصواب يهدانا حنا بحزات المعارك ضريرين=كل القبايل شاهده وخصمانا ولو تنشد اللي حاضرينن هكالحين=كان اقنعوك بما مضى واكتفانا عاداتنا نمهن رسيم المعادين=ندرا الحقوق ولا نهاب اخصمانا والا انت عاداتك تخون القصيرين=خنت القصيره والخوي يالهدانا وعبيد قال بما مضى منك بيتين=يومن أخوك برميتك ماتوانا طبعن لكم من ساس ماهو بذالحين=ياعصيم جوزوا مالكم في نحانا أول خيانه في جماعتك الأدنين=وقارن مابين غزايتك ومغزانا يومن روق سندوا عنك غازين=غرتوا عليهم خونتن يالذهانا وجبتوا أباعرهم ولا انتم بسيطين=الغدر فيكم من قديم الزمانا ابل الجذع منكم وفيها معيين=خنتم وحنا مانخون قصرانا وجيتم تحسبون انكم مستدلين=خوان مير الله بوجهك رمانا وقمنا عليكم قومتن تعجب العين=جبتوا طمعنا والرجالي سرانا ولانتم لنا ياقوم حجنه لديين=يومنها توخذ بحد السنانا مافي عصيم الا دورت الملايين=وقد بينتها حرمتن باقبلانا يومن ولدها طاح بين المثارين=عند الجحادر يوم هاك الكيانا وقامت تصيح وتزعج الصوت صوتين=وقلتوا لها في حر ناره صلانا ولولا الله انقذها بشيخ الدعاجين=ان كان لراحت بين هانا ولانا يامصيبغه مانتم على الفعل جسرين=خصا ليا مس الحدب والبطانا حنا هل البل شاربين الغلاوين=خيالة الوضح التلاد السمانا ترعابنا دار المخافه زمانين=وناطا على خشم العدا في حذانا نمر الأدنى وانتعدى للأقصين=ماحدن يحدد سرعنا من بطانا حرابة العدوان بالضد قاسين=الطيب فينا والقسا من قسانا وان كان مانتم للحقايق جحودين=وادي رشاكم صار وادي رشانا حنا ليا اقبلنا عليكم ثقيلين=ومن هازنا ماردنا عن هوانا ياما كسرناكم وصرتم ذليلين=وياما اغتنا فقرينا بمغزانا وان كان تذكر خضعنا للسلاطين=انتم خضعتم عند شيخ قحطانا تسعين عام تحتهم مستذلين=غير الرتاعه ينكسبك حسانا وشيخن نزلبك نجد عقب الضلاعين=ماهو عتيبي ياطويل الأذانا باصله وفصله يابرق الريش دارين=جابه لبرقا حضها يوم زانا عقب الكريزي من رجال شريفين=والا انت قبله ماعرفلك مكانا منزلك في قولك ورا حضن ويمين=يوم اصلكم ذاك الزمان الهزانا حنا هل الدنيا وحنا هل الدين=والدين وصانا نطيع اوليانا الرب وصابه وللحق راضين=والدين عز نطيع له من هوانا ماهو غصيبه بالرضا يامساكين=غصيبه البل يوم جوك اعقدانا يومن ابو حجنه وربعه مفلين=مع ذودهم من عند ريع كدشانا شفنا هل البل دونها مستعدين=وغرنا عليهم جمعهم ماحدانا في راي اخو بقشه صعوط المجانين=ودارت على زيزوم ربعك رحانا وجاك الحنيني وابن سعدى مغيرين=وحدوك لاما جيت ضلع حلبانا الخيل حزب والسرايا مكامين=ومن شذ عنا طاح عند قربانا ماجوك حاديهم مخافه ولا دين=جوكم عقب رد البرا والمثانا جابوا طمايعهم وجونا محيلين=واثباتها ماقال فيه شعرانا والكون الآخر صادكم فيه حثلين=وقت الضحى شوفن عيانن بيانا وخلا جنايزكم سوات الخرافين=واللي سلم ماقال وين اخويانا خيال واحد زفكم زفت الضين=وعاداتنا من قام منا كفانا انتم سوات العنكبوت ام خيطين=خيل لها قو الخيوط المتانا ماقلدت باللي يحطون دورين=وبيوتها زكرت بيوتن وهانا يومن هرجك مايصيب النياشين=حنا نصيب اهدافنا بمعدانا هذي عوايد ربعنا يابو قلبين=نعمي عيون اللي يداور عمانا قللي مذاهبكم تقلب على وين=تقلبةن وكل يومن بلانا مادام حكام الشريعه حريصين=مطبقين احكامها هو رضانا حنا بضف اهل العداله عزيزن=تدرا مهابتنا وتحشم لحانا والا انت تدقم لحيتك دقمت البين=دايم على تصميم نفسك تهانا تخبر لنا عند اصطفاق الحريبين =تقول صار حجاب ضمن منعانا وحجاب شيخ القوم سقم المعادين=ماتقدره حرز الدروع المتانا ربعي بساحات الميادين صلفين=كم فارسن ضيع يقينه حدانا وتقول جانا من طرف نجد جمعين=ماجاكم الا الفرم زبن الحصانا طار اليقين وقلت ناسن كثيرين=واللي غزوك نعدهم بالبيانا سربة حمول الخيل لو هم قليلين=عاداتنا نكثر بعين قبلانا من فوق قبن تدب الجمع وتهين=صوت السيوف بمعتلجهن لغانا ان كان تجهلنا للاكوان مضحين=كم سابقن جتنا تجر العنانا حنا ليا منا نويناك صاطين=لو جمعكم مثل الصخر كان لانا والذنب ماهو زين مانتم رديين=وحنا عليكم صلطتن من سمانا وكان انها تحقيق جيم بعد سين=سين الجباره والعيا من عيانا واللي نوانا بالردى فيه ناوين=يستاهل اللي بالهزيعه نوانا على المشاكل والشتيمه سريعين=وش السبب قولوا لنا ياعملانا اللي مضى عنكم نحينا مصدين=وياما سكتنا لين بيح خفانا واليوم هاتوا كل مانتم مخفيين=وحنا حلفنا مانبقي ورانا حنا على العتبان من قبل عازين=الله يجبر في عتيبه عزانا ولو ماحشمناهم نحشم الاديبين=ندرا على سمع الجميع وقدانا والشعر أدب ماهو بلعبة بزارين=قولوا لمن دف الخزا واشتكانا يامصيبغه وش فيك قمتي تخورين=الا ان شانك باللغا غير شانا تبقين بالحقران لاما تموتين =والهرج مايشفي القلوب الهزانا |
اقتباس:
اوفقك الراي بشده كما اشكر صاحب الموضوع على تفاعل وحماسه مع هذا الوضوع ولكن يجب علينا الهدواء والتحدث باحترام للقبيله عزيزه لانها هي تراء الخطاء الذي وقع به المذيع العتيبي وقناةالساحه لان هذا المنبر اعلامي ويجب التعامل والحل بافظل طريقه وهو لا تكلمون بغظب لان الغظب لا يطلع بنتيجه يجب التفكير كثير لا يجاد الحل المناسب لنا عوده ان شا الله |
عتيبة ما قلنا فيها شي ونعم واخوان حلف
لكن البلى من شي عقب سنين يبي يقال ،،، لكن ان سكتوا لا بارك الله في جمعٍ جمعناه اما نجيبها بطيب والا عيّت لو نجيبها برددددي معه هو والمذيع هو ما ينفع الا وطي الخشم |
كديميس
اقتباس:
وانا اخالفك الراى بشدة بل يجب ان نغضب ونغضب بشدة والحق معنا.هل تريد ان يسجل علينا اننا القبيلة الوحيدة التى تشتم وتوصف بابشع الاوصاف على القنوات الفضائية دون ان تتحرك؟يجب ان تقام دعوى على القناة ايضا يجب ان يكون احترامنا لمن يحترمنا فقط ان الدعوة للتهدئة الان كلام فى غير محلة(لا يحب اللة الجهر بالسؤ من القول الا لمن ظلم)تحياتى لشخصك الكريم |
السلام عليكم ورحمة الله وبركاته صبحكم الله بالخير يالربع من أول المشكله وانا متابع المواضيع بالخصوص هذا وبصراحه اشوف كلام كله بالماضي وعلى قولة الرياجيل هرج بالماضي نقصان بالعقل الخطاء بدا منه ليه نسكت ؟؟ ليه نقول سوينا وفعلنا مبطي ؟ مافيه شعار او انتهت الحميه ؟ الرياجيل تقول وتطول ولاحد يسكت دون حقه ولا قلنا شي في قبيلة عتيبه لكن الكلام على كديميس والله معاد لكم هيبه الحين اذا تكلم في قناه قدام ملاين المشاهدين وانتم ساكتين وفي الأخير كلن يصرف الي يقول قناة الساحه والي يقول المذيع وناسين الي اهم منهم في حريقه قناه الساحه وحجبها لرسايل وفي حريقه المذيع السؤال ليه كديميس قال كذا ؟ بتقولون من حقده على حرب او من الي جاه من حرب وهو والله ماحسب لكم حساب مع الأسف ارجع واقول هرج بالماضي نقصان بالعقل واسف على الأطاله لكم كلامي من باب الحميه على قبيلتي العزيزه لنا لقاء ان شاء الله |
اقتباس:
لك فائق احترامي |
قسما بالله ماقال قصيداته الا من الضيقه .
الشايب الضال هو ووجه حاقد على حرب وحنا بوقت الرخا والله من الدجه يامساكين الرجال . الوكاد الأخ راع المغاتير لافض فوك شاكرين لك حميتك ولكن ماقيل في الماضي يسده ويكفي قسما بالله لو عنده دم كان يمديه تائب توبه نصوحه مير ذا اقرب ماله الــنتوب اللي ماتتوب ، اتمنى الترفع عنه ومحاسبة قناة الساحه وجروها معيض العتيبي اللي سوا اللقاء . |
خديميس اكيد حاقد على حرب لكن ذنبة على جنبة..حرب هم اهل المعروف علية يوم احتاج نصاهم وماقصروا معة باعترافة هو..ويوم تردى وشتم حرب شعار حرب تصدوا لة ومن حقهم ومن حق قبيلتم عليهم.وفضحوة على روس الاشهاد ومن عشرين سنة ماذاق طعم للنوم ولا الزاد مثلة مثل اللى يتعرض لحرب بغير حق واخذ يتحين الفرص ولقى معيض النفيعى(ماهو دعجانى..اللة يرحم حنيف!!!)المذيع بقناة السخافة وقال ابنفس عن صدرى..ويبى يكحلها واعماها اللة لا يجعل فالنا فالة
|
الساعة الآن 10:33 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir