انشدك عن ورع مسك شوشة امه =متعلي في راسها جالس به
مؤنث المفرد شريف المهمه =ليا جلس فتره قلب لون جنبه
ثم يتحول بنت عذرا متمه = والحي كله قربها راضي به

وشهي فتاة تنفرد في عملها = اللي عملها غيرها مايسويه
تصطي على بنات طاعه لاهلها= برماحها اللي ناعم الجسم تفريه
كم بنت سجنت من سبايب عملها= وكم شايب من ناعم البيض تعطيه

انشد عن ورع نمرود= راعي لبشات ومقرود
على اخته كنه محدود= والماصوره مايخشاها
حتى تدخّل وتجره = وعن اخته تبعد مقره
وان خنقته ماتضره= وان خم اخته ماخلاّها

ويش رجل شفت في صدره فلايد = طيب لكن يجوز العلم دونه
فيه صبر وفيه ذوق وله فوايد = ومن خوي الدرب الاول ياخذونه
بالخليج اشوف له تكريم زايد = وفي اوربا لوحضر مايكرمونه

كل الكبار اهل المعرفه والافكار= عيونهم للبنت والبنت عليا
بنت لها شهره وقيمه ومقدار = تغازل اعقول من العلم مليا
هي بنت شر وجابها فعل الاشرار= ولالها عند اهل الدين حليا

يامن يخبرني عسى الله يعافيه = عن الصديق اللي وفى با الصداقه
جبته من اللي يوم جابه زهد فيه=يبغى المكاسب مازهد به حماقه
آخذ منه واعطي بعد شفت خافيه= واصبح رفيق من خيار الرفاقه

انشدك عن رجال حامل ومحمول=عيونه اكبار اكثار يرفع باياديه
صار بزمان اليوم غايب ومجهول = ووقت مضى كنا نعرفه ونقنيه

محلول ( المجدل) من غدير الوهبي

انشد عن اللي ون وقف وقفة صح= صرنا نعرفه وان رقد ماعرفناه
يسبق اخوانه كلهم وان تريح = يامدورين العلم هوساس مبداه
ويوجد شبيه له لحاله عطا شح = ويكبر ليا صفن خواته بيمناه

ويش الذي من صلب ويصير ناعم =ركب الغلام وشد من قاعة البنت
ونزل بقوع المرقبات النواعم= ويعجبك ليا منك بشكله تمعنت

ابا اسألك والعلم من قدم بابك = عن شي لويزعلك كد كان يرضيك
وان ازعلك يبغى الرضا من حسابك=وليا رضيت بكل حاجه يهقويك
تنشب بحلقه لين تتلف اركابك= وليا عطيته من مراجلك يعطيك
صديق لكن ما يوفر زهابك = ولاموفر شربك ولاهو بباكيك
لكن عدو ان لاح فرصه غدابك = مار اطلب الله من شروره ينجيك
ترافقه وتقدره ما يهابك = وتوافقه لو للمهابط يوديك
وتسايره لو للعوالي رقابك = لكن ليا داريت يمكن يداريك