دمع الغلا بالجفون وجف = عيني على ودادها تهله
بعد الأمل في فؤادي كف = أعلن نهايه هوى خله

يتحمل القلب صدماتك = عنده مناعه عن التكسير
مايقوى عينك ونظراتك = تأثيرها ياعيوني غير

كم طن تاخذ من البطحه = حملـة ديـنـه مــن الـقـلاب
ياليتـهـا تنـقـلـب سـطـحـه = وسواقـهـا مايشـيـل تـــراب

مرحوم حرف المعاني فبيت = الـلــى عـــرف بـيـنـهـم قــــدره
راعـي الـوفـاء مايـقـدم لـيـت = وعلـى الـوفـاء مـانـدم عـمـره

مركب زمان الأسى يعـرج = عن الهنا حاضـري مالـي
ياماضي الوقت لك مدرج = حتـي معـك أشهـد التالـي

علقتها فـي حسـاب الوقـت = ان تشرق الشمس ناتجهـا
شفت النتيجه بعد ماطحت = من عين وصبحت خارجها

عذب التلاقي يفيض زلال = يـغـرك الطـيـب مـــن حـلــه
ضاري على طبعه الميـال = منـزال ســاس القـمـر زلــه

يابكـره قولـي عـلام الـيـوم = يـحـقــر الامــــس ويـكـابــر
لايظـن يومـه عليـه يــدوم = ان غابت الشمس بيغادر

ياحايـط العـلـم بــه حـايـط = ملح الزمن واللبن مكبوب
في ساعه الوقت والحايط = تمشي عقاربك بالمقلـوب

كيف التفاهم مع مصلب = أتش الحراره معاك يفور
راس العقل بستمه صلب = صعب الفكر والمروُحه أدور