سلام يارجال الوفا يالنشاما=واللغز فيه القرب والانفصالا
عن الثلاث محللات الحراما= وعن الثلاث محرمات الحلالا
الاولات يقدمن باحتراما = والثانيات مغيرات الحوالا

وشا الرجال اللى ثلاثه عددهم =بيض الملامح مكملين الوليمه
ثلاثة كم واحد ماحمدهم= ليا صار ماينعم بحال سليمه
ما يستريح انسان حتى يجدهم =وهم مدة اللي له يمين كريمه

انشدك عن ورع ليالبس شاله = اشتال شر ناوي فيه عله
ماله قوايم والقوايم قباله =وابو قوايم مافزع به يمله
ورع فزع به من يهمه حلاله= يرجع المعزول عقب المذله

انشدك عن ورع بعمرك يحاتفك=وليا ذبحته عاد لك مايخليك
اللي معك دايم ويحضر مواقفك=راسه على راسك وجسمه نشب فيك

انشد عن اللي كلما جالك يطير=يجيك من بعد الشقا والانتظار
مالك خشير فيه وافناه الخشير= لكن سوالي كيف من يمناك طار

ويش ورع من علاماته ملوى= ون بغيته تجده تالي اخوانه
مايتساوى زين لين نه يسوى= ون تساوى مايتحرك من مكانه

انشدك عن بيت مذله لعانيه = من يسكنه يلقا به الهم والخوف
بيت الادب واللي على حق بانيه= واسمه لمن يقراه ثلاثة حروف
اليا عكست اسمه كريهه معانيه =يصبح خبث واللغز واضح ومعروف

وشا اللي يرجف بطن امه = وله اخو يرجف قلتها
ام لابن آدم مهمه = ان ما صابتها علتها
ماتطلب منها تتمه= واطيب ما فيها قوتها
لها شغل مانذمه = ون عطشت هذا مصيبتها

انشدك عن بنت لها اقبال وقفاي = ساس الحياه وعيبها من ردايه
الخير فيها لاصدقايه ولاعداي= تعط العصا غيري ومنها عصايها

ويش رجل عقيم ومهنته ياكل امه = وابن جنسه طعامه وبن خاله يحده
ان ومرته بهمه قام لك بالمهمه = كنه يقول من يعصاك انا اصير ضده
هات لي الفتاه وهات متعب وعمه= ومن تبيه يتسنع جرني فوق خده