أبو ذياب=
صباحك الخير يالعمـلاق=و ياكيف ؟؟ حالك وأحوالك
حسنك وطيبك من الاَخلاق=ياشيخ جعل السعـد فالـك
الرحال=
زمان للطيبـه سبـاق=ماهى غريبه على امثالك
من طيبكم طيبنا منساق=سلطان تبقـى ويبقالـك
أبو ذياب=
تسلم وتبقى لنا بـراق=يا معدن الماس مثقالك
أسلوب حرفك لنا ذواق=واسعد ليا جيتك فقبالك
الرحال=
عليك ذوق المعانـى لاق=من طيبك وطيب اخصالك
تشكر من القلب والأعماق=انته ومن كان فى جالـك
أبو ذياب=
بشكي لكم لحظة المشتاق=من ذيب جالك ويعوالك
لحظة اِلم ساقه الأفـراق=وللأن هجر لنـا هالـك
الرحال=
كم مشتكى من عنا الأشواق=ماهو انت بس الذى لحالك
ولولا سبب مااختلف عشاق=شوف السبب وين يسعالك
أبو ذياب=
حاولت أستعطفه ميثاق=لكن معي أختلف ذالك
الشوق أصبح لنا طواق=والهم أصبح لنا مالـك
الرحال=
مالم يجى للمساعى وفاق=ولاوافق ارساله ارسالك
لاترمى القلب فالحـراق=وتعيش فى جور زلزالك
ويصحابنا سامحونا=

بخيتان =
سلام يمشي على قـدام = دايم وهو ريوسه مفصول
بأهل الوفا للوفا مقـدام = دليل واضح وله مدلـول
ابوذياب =
يامرحبـا وبيننـا رد دام = ولو غبت ذكرك لنا محلول
وافي وعزك لنـا سنـدام = شرواك ياسيف يا مسلـول
بخيتان=
عسى البقا والرجال حشـام = تلحـف اقوالهـا بفـعـول
انته وأنا أصحاب مانا أخصام = نبى انتخاوى فـدرب يطـول
ابوذياب =
جتني معانيك ياضرغام = يامروض الحرف يالاول
ولأن هات المعاني نظام = نبحر برسم المثل والقول
بخيتان =
أختار منـا أميـر إمـام = يمكن نصل عالم المجهول
لاشك تعرف هدفنا هـام = ومخاطره للعقول تهـول
ابوذياب =
أيام فـي دربنـا أحكـام = و أكيد الأسباب تلعب قول
والأن يامترجم الأعـلام = عطنا وحنا نجيب حلـول
بخيتان =
أختار لا تطري الأيـام = بعدين في أمرها بنجول
قدام ناقع سوى فخصام = لابد واحد يجي مسـؤل
ابوذياب =
حشمة جنابك نقوم قيـام = بالفكر والحل بالمعقـول
وانا معاك فساحة الأعدام = والجد بنعلاَجه بصمول
بخيتان =
الآن ملزم معي إلـزام = وتنفذ اللي عليه اقول
مابين جنة ودنيا حطام = تفجير سيارة المسؤل
ابوذياب =
نمشي ولو طاحـت الأقـدام = ونسعى على وضعنا المغلول
أرهـاب ياشينهـم إجـرام = ماشين في دينهم بنزول
ويصحابنا سامحونا=

سلاااااااام ياحضرة الدكتور = الهم والله ركب راسي
ماعاد عيني تشوف النور = والحال من بعدهم قاسي

بندر البلادي=
اسمع لحن قلبي الشادي=اللي عزفته وانا مكسور
يحزن لغنا به فـؤادي=ما فاده الطب و الدكتور
أبو ذياب=
جيتك على صهوة جوادي=يامن بتشكي عذاب الجور
شرح المثل منك أعدادي=وحنا بعلاجه علينا الدور
بندر البلادي=
ماضن تعلم عن امـرادي=وتعرف مدى حالة المقهور
باسباب جاهل ومتمـادي=اللي بوده تعـدى السـور
أبو ذياب=
أصلا السبب منك ياستادي=خلتك في ذا الأمر مكدور
ولوكنت في الوضع سدادي=ماكان قمري تعدى صقور
بندر البلادي=
كم يهـزم العشـق روادي=واعرف انا وش وراك يدور
اعلنت من وصفك احـدادي=حتى يقر ا لـذ ي منكـور
أبو ذياب=
ماني على الرد وقادي=مدام فكرك كذا مهدور
والبوح لا جاء بعنادي = لنتا وانا بنرضي الجمهور
بندر البلادي=
لا تفهم البدع ببعادي=من شان لايختلط با لزور
من ساسه القاف بالمادي=يعف ما ينزل المحضور
أبو ذياب=
شاعـر ولا يهـم حـسـادي=ويعرف مدى الحرف وين يدور
وان كان هرجـك بـلا فـادي=وش فايـده اللحـن يامستـور

أبو ذياب=
سلااااام يالشاعـر الغالـي=من قلب صافي لكم يغليـك
والله ذكـرك علـى بالـي=مايهون زعلك أيلين أرضيك
بندر البلادي=
عساك سالم وتبقالـي=تشكر وهذا عشمنا فيك
الله شاهد على اقوالي=مدام وفيتنـي اوفيـك

أبو ذياب=
سلاااام ياسالم البشري=وشفيك بالصد تجزينا
ياشيخ رب الملاَ يدري=شرواك فالقلب ياخينا
سالم البشري=
ترحيب لاهل الوفا أشـري=ما ابيـع والكـل غالينـا
والآن عطني سبب حصري=ياللـي تقلّـي مجافيـنـا
أبو ذياب=
دام البقى بيننـا يسـري=وافي ولا خطيت شي فينا
حبيت أنشدك وأنت تدري=ياللي على البال ناسينـا
سالم البشري=
تسلم ولانسيت من بدري=علمي وصـل ياموفّينـا
وحرف الوفا بيننا مقري=قدرك على الراس والعينا

لو كنت ناظرت في عينـي=بنظرات وأحساس ... متمعـن
ماكنت ترضى على سنينـي=أتوهـم الحـب ... واتجـنـن

صممت لك فالحشى بنيـان=بأجود حديد المحبه صلـب
وشدتت فيها الوفاء عمـدان=بأحساس صادق عشان تحب

مدام أخلفـت ميعـادك=ولا اِتصالـك يطمنـي
دفنت أشواق ... في أبعادك =لاعاد ( ترجى أمل ) مني

كل ما أقترب ( الفرج ) مني = وأشوف نور ،، الأمل قدام
القاء !! مصيري يبعثرني = سراااب يجري ،، معي أوهام