بعض الهوى يخطف انفاسك = و يـثـرّ على مركز التفكير
ودّك تعبّـر عن احساسك = لكنّ تعجز عن التعبير

شديد يابو طلق باسك=وتحسب لخطوتك قبل تسير
والا الهوى لو قدر حاسك=وخلاك دون الجناح تطير

أنا سبب علتي فاقد=فاقد مروه قليل احساس
له قلب مثل الحجر جامد=وأحترت شيلينه ياناس

والله انها مشكلة

صح لسانك استاذي الهيثم

وتقبل مني هالرد

بخيتان البشري =
تحيتي وكامل اشواقي = بها سلامي مشى فالحال
تاتيك من داخل اعماقي = ياللي غيابك علينا طال
ابو طلق =
يامرحبا يا اقرب رفاقي = من قلب في داخله تختال
يشوش البرج فنطاقي = لكن مايقطع الارسال
بخيتان البشري =
يبقى كذا طبعك الراقي = مايختلف يا الاصيل محال
وتردُد البث فافاقي = بي خارج التغطية لازال
ابو طلق =
جبت المعدات واوراقي = والهندسة من جميع اشكال
رسم الكروكي هو الباقي = حتى اساعدك فالاشكال
بخيتان البشري =
حساس رصد النفس 0 ضاقي = 0وروحي حكت 0 والمشاهد قال
وترجم بلا حبر خفاقي = مافي فؤادي من الاهوال
ابو طلق =
دنيا بها مسعد وشاقي = ماتستمر يارفيقي بحال
فضفض ولاتضيق الاخلاقي = لابد للمشكلة حلال
بخيتان البشري =
عشقه لفى الفكر مشتاقي = ومن يومها ماهدا لي بال
غايب 0 والايام فسباقي = حتى غدت بي سنين طوال
ابو طلق =
إن كنت لملايمه هاقي = اصبر على قسوة الاحوال
مصيره الحي متلاقي = والبال يهدأ بعد ما تنال

كيف الجسد لاشكى 0وعضاه = عيت معك تكشف العله
تلقى دواء في معالج داه = اللي بك الطب ما دله

صح لسانك يابو محمد مشتكى رائع
وتقبل مني هالرد

السلام عليكم ورحمة الله وبركاته

إحذر ترى لسانك حصانك = منه الأذيّة ومنه الطيب
كل ماتقوله فميزانك = و يوم القيامة محد بيغيب

سلام ردة وفا تنمد = للكل في ملتقى الكسرات
اسال ولاادري هموم الود = عند الاطباء لها وصفات ؟