محمد الجليدي
غادرت عن بعض القروبات واقفيت
وحصلت بالسجه عن الناس رااحه

شوي والا كان وردن على هيت
بعض السوالف ماوراها صراحه
"""""""""""""""""""""
سعد المحمدي
اخير لك ياطيب الراس والصيت
النفس تبغى يالجليدي مساحه

عن شرهة العاقل وهرج الشماميت
اطو البهيم اللي يبشر صباحه

تمرني والا تعدى يابو زيد
الله يسهل دربك اللي مشيته

مع السلامه وكد العلم تاكيد
من لاهتدى درب السنع ماهديته

انا ليا شان اللغى يالمحاميد
اما هدمت البيت والا بنيته

النفس عن درب الخطاء والمناقيد
في راس كايد للمراجل رقيته

من لايدل الضاميه للمواريد
لو ماه من نقع الصفى ماضميته

رفيقك اللي في حياتك معاديك
ماهو بشافع لك نهار القيامه

خله بعيد ولايقرب حواليك
عيد على فرقاه واذبح سلامه

اليا عجز من طيب راسك يجاريك
عاداك دون اسباب حسد وغشامه

لو قال لك من قال هذا بناخيك
ماهو صحيح ولا تصدق كلامه

من شانها فقدت واجد من الناس
وضربت فيها ليل موحش ظلامه

ساريه لو راس العرب مايجي راس
مطيته من راس جرف بعدامه

يانور لو انك على راس نبراس
تشاف يوم ويوم دونك عسامه

قطعت بك يامحزمي ذيك الارماس
معي القليل وماعليه ملامه

ارقب بك القمه والارياق يباس
وكارهك مازامي موافق لزامه

هنيت من قلبه من الضبط لضبط
كبير تلقى فيه حتى القراطيس

والدم بالكنه تقل بأول الشبط
عايش حياته ماتحسه حواسيس

وانا لو انك تربطه بالقفص ربط
حلق سما بين الحرار القرانيس

سلامي سلامٍ لامعانق والا مخامس
ماعندي مطهر لصراصير والسوسه

وقايه عن الامراض ياحضرة النامس
شريت المبيد ومشتري معه ناموسه

كلامي لجرحٍ شم في جوفي ايلامس
ماجيب السوالف والمفاهيم معكوسه

ياليل الدجا ميعادنا صبحي الشامس
يبدد ضلامك والمداهيل مانوسه

عيون الحقيقه تخترق ثوبك الدامس
وتوضح حقايق بين الانقاض مدسوسه