|
بخيتان البشري = اول حروف المثل بالسين = سلام 0 ثانيه حرف الكاف كيف انكم كيف يالغالين = يامن لطيب الوفا ميلاف الصامت = أول جـــــواب الـمــثــل أهـلــيــن = ترحيب. يثنى بحرف القاف قــاريــن حــرفـــك ومـبـسـوطـيـن = أهــلاً وسـهـلاً وهــات الـقـاف بخيتان البشري = تبقى ومثلك من الوافين = دامك تخصصت فالاسعاف هيا استمع نبرة الشاكين = ياراعي العدل والانصاف الصامت = غـالــي وتــامــر عــلــى غـالـيــن = يــاراعـــي الـــقـــن والاعــــــراف اذني وذهني معك صافيـن = تبشر بالاسعاف والميقاف بخيتان البشري = ثالث حروفه 0 كنوز العين = عن كفها يعجز الصراف لاجات عيدية العينين = اللي تسبب عليّه خلاف وقضيته بين عين وعين = حزن وفرح والخصوم اطراف كيف اتخارج مع اثنتين = وهذاك غايب وذا ينشاف الصامت = دمــــع الــفـــرح (نـعــمــة) الـعـيـديــن = ودمع الحزن موج . والمجداف الــــنــــظـــــره الـــحـــانـــيــــه. والــــلـــــيـــــن = ودعـــوتـــك والإبـتـســامــه غــــــلاف "لـلـعـيــد فـــرحـــه" إغـتـنـمـهــا زيــــــن = نفـسـك تـــرى تسـتـحـق اضـعــاف وعـــلــــى مـــتــــم الــخُــلُـــق والـــديــــن = تــمـــت. وصــلـــو عـــــدد مـــاطـــاف |
دايم بعين الرضا طالع = وبه ميّز الطيب من غيره واترك هوى نفسك الضايع = لاترتجي يوم لك خيره |
كل مابدى ياقمر نورك = يجلى ظلامه فؤادي منه لاتحجبه سيبك غرورك = ماتدري انه مايصبر عنه |
يبقى الوفا بيننا عادة = دربه مواصل سوى نمشيه سادة لفينا على سادة = في دار عِز الملاقا فيه |
لا ياجروح الآسى زيدي = زيدي فؤادي على مافيه مادام مصدرك من سِيدي = راضي وكل مايبى سويه |
كل الوفا لك مديناه = باية معرف لنا تلفي بحر وهوى الليل راعيناه = وماكل مرة ترى نعفي ياكم ابو 00 لك حشمناه = عيا بك القلب لايصفي ايوب بالقدر عليناه = من طبعنا نود مانجفي =المثل لايهمك اللي حفر مبناه=في قاع ساسه لنا مخفي اكيد ان الادب الغاه=والعلم نوره معه مطفي الكسره اللي تجيب الاه=اثباتها فالمثل منفي وطبع الوفي لاعرف مبداه=تلقى كلامه عسل يشفي |
بخيتان = سلام طيره بلا جنحان = يصدح سما 0 دوم شفه فوق حرف الوفا خطه 0 بخيتان = بالشوق 0 يمسي وليف الشوق وليف الشوق = عـداد منهـو قــرا الـقـرآن = وعداد كل ماتلوح بروق ترحيب للي رفيع الشـان = وعندي مكانه علا مرموق بخيتان = تبقى ولي فالوطن عنوان = ولك فيه مثلي قدر مسبوق ياللي على العز وتقضي شان = بطلِعك مايحوي الصندوق وليف الشوق = عساك سالم مدى الازمان = ياطيب الاصـل والمنطـوق الشرح مابان حتى الآن = والوضع باقي لنا مـدروق بخيتان = صار القدر والمقدر كان = واليوم لاحق لحق ملحوق والعلم ماهو خلاص وكان = يابو منى والحقوق حقوق وليف الشوق = لـــلآن شـرحــك لـنــا مـابــان = حتى نفيدك على المحقوق ولابــــد مـاتـوضــح الـتـبـيـان = والحكم يصدر عليه وثـوق بخيتان = جبت البضاعة من اليابان = وتجارتي كسبها مطبوق واليوم يابو منى شتان = وكيلها مختلف فالسوق وليف الشوق = ماكل تاجرمعه كسبان = مابين هذا وذاك فروق وقـلـه تلاقـي مـن الربان = تعامله فاالبلد موثوق |
ماني قلوب الاوادم خاش = ولاني لمد الوفا ناكر اخذ من الطيب واعطي كاش = عساك تبقى معي فاكر |
دايم بعين الرضا طالع = وبه ميّز الطيب من غيره واترك هوى نفسك الضايع = لاترتجي يوم لك خيره |
العيد كل ما هلاله هل = عيدي مع الناس عيد وعاد معه فراق المقابل حل = كل ماعناق التهاني ساد حتى مزون العيون تهل = وفي ماخفى مهنة المعتاد وله العذر خاطري لو مل = ماجاه عيده على ماراد |
الساعة الآن 09:56 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir