لكل بيت ساس وابواب واركان = وقواعد من فوقها يشد مبناه وان سوالي عن ثلاثه لهم شان = هم ساس رجل باشريعه عرفناه ليا سقط واحد هذالرجل ما كان = وليا كملن الرجل يكمل مسماه معروف في كل المذاهب والاديان =لكن كل له نظامه ومبداه رجل تسافر له وتقضي به الشان =ترتيبه التالي ومن يجهله تاه الحل اركان الحج == من الشاكر ابوسامي |
انشدك عن رجال في موقع نزيه = قديم لكن ماتغير موقعه رجال له وجهين وآخر وجه فيه = للاتجاه اللي لنا الرب اشرعه الحل ( مسجد القبلتين ) من الشاكر ابو سامي |
انشدك عن ورع على العود غنى = وان جيت تيتسمع لاغانيه ينحاش لو تنشده وشيشتهي ويتمنى = قال اتمنى البعد عن كل الاوباش دايم حوالينا ولاهو بمنا = ومع البخيل مدور العيش يعتاش الحل ( العصفور ) من الشاكر ابوسامي |
انشدك عن حرمه تعد من الحريم = حرمه غريبه والغريب اختارها جابت لها خلق لهم وضع سليم = والساريه تميزوا باسرارها غضبت وغابت واختفت وقت قديم = وعقب اختفت ماحد يعرف اخبارها هذ كلام يقال والله العليم = ارواية تروى وذي ادوارها الجنية ام المرة ) من زامل العوفي |
وشبنت حره لعل الله يقبلها = حلوه واصيله ومن له حظ يملكها كل الثقلين بامر الله تحملها = لكنها تفيد من يسلك مسالكها كم من حمول اليا حلت تنزلها= والمسعد اللي قبل ما يموت يدركها الحل ( التوبة ) من سعد المحمدي |
انشدك عن حاجة في يدك تحملها =تدري بها لكن انك مانت فاهمها تشيلها طول عمرك وانت تجهلها = تكشف معالمك للباحث معالمها مع كل شخص من العالم تحصلها = ويرضى بتحكيمها من كان حكمها الحل ( البصمة ) من ابوصقر |
انشدك عن تسعة ارجال مهمّين = وجودهم يسبق وجوب المهمّه مهمة مهمة للمسلمين = لها مع اللي يطلب الخير يمه باوقات مخصوصه رفيقة هل الدين= واللي جهلها فعلها ما يهمه الحل ( شروط الصلاة ) من غدير الوهبي |
انشدك عن رجل عزمته وزعلك =وعقب وصوله صرت تطلب افراقه قربه وبعده من نتائج تعاملك = وبين الرجال يشد حبل العلاقه شر على مالك ونقص على اهلك = واحيان به شر يطول الرفاقه الحل الدين من غدير فهد الوهبي |
يامن يخبرني عسى الله يعافيه = عن الصديق اللي وفى بالصداقه جبته من اللي يوم جابه زهد فيه = يبغى المكاسب ما زهدبه حماقه اخذ منه واهدي بعد شفت خافيه = واصبح صديق من خيار الرفاقه الحل الكتاب ) من غدير الوهبي |
انشدك عن رجال كل تمناه = ولاشفت مخلوق بعقله يسبه واللي يحبه عذبه لين خلاه = مشوه يصعب علاجه وطبه ثم نتفه تنتيف تقل يتحداه = واللي يزيده موت فوق يصبه الحل الخبز الجمري)) غدير الوهبي |
الساعة الآن 10:08 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir