خريج من جامعة حبك = هاوي متيّم أكاديمـي
ظلمتني خاف من ربك = واضبت ماتم تكريمي

جميعها بالفشـل بائـت = حاولاتي في إصلاحـك
صبرت و أوضاعنا سائت = و إصابتك جات بسلاحك

جيتك مجمع كـلام الحـب = من لحظة فراقنـا لليـوم
لكن لقيتـك مبـدل قلـب = و رجعت كُلي أسى مصدوم

فايز ال محيسن =
نرسل تحيه .... لكم تدنـي= مسامع أهل الأدب والذوق
قريت لك حرف وعجبنـي= وهيضت هاجس لكم مرموق
تركي=
يامرحبا بك ويسعدني = شاعر وحرفك لنا معشوق
جر اللحن هات وإطربني = حتى معك نرتقي به فوق
فايز ال محيسن =
تبقا على الطيـب يالفنـي = خابرك تاجر وسوقك سوق
والان لاتخلـف الظـنـي = من بعد سنّع لنا الطاروق
تركي=
لاتوصي الذيب فالقني = تبشر الا جيتني بغلوق
دايم وحرفي مأهلني = ويسوقني للمعالي سوق
فايز ال محيسن =
يابناخي الشـوق بهذلنـي = سعات أغمأ قليـل افـوق
خالك يعاني مـن الكنـي = اللي فصدره غدى محروق
تركي=
أشغلك شوقك ومشغلني = عم الأوادم لهيب الشوق
في كنها ويش تستني = أدي الأمانه عساك تــروق
فايز ال محيسن =
أسـرع بحلـك وفهمنـي = كيف البصيره وكيف يروق
مـــــادام وده مجـنـنـي = وصفـــقات بقعا علي تحوق
وفالقلب جالـس ومتحنـي = مخلوق ماهو كما المخلوق
انسّي ولاكن كمـا الجنـي = خثرلي الدم جوف عروق
تركي=
هيا إستمع جابتي مني = والله خلق بالأنام فروق
يشكو الهوى شيعي وسني= طوق جميع الأوادم طوق
الحب في بدايته يُضني = وليل الأمل ينتهي شروق
متعك لحنك وأمتعني = وإعلم ترى مصدرك موثوق
فايز ال محيسن =
ابدعت واخذ الخبـر عنـي=وماني مجامل فوصف النوق
حرفك وبالحيـل مذهلنـي=كل يوم يزداد طيب ولـوق

تركي البشري=
سلام أحلـى مـن العنّـاب = كالورد لا مال بأغصونه
للصاحب اللي على المرقاب = عشـرة نشامـى يشيلونـه
فايز ال محيسن=
ترحيب مثل العسل لا ذاب = فالشمع والناس يجنونه
والقاف من عندنا شباب = غني على للي تودونه
تركي البشري=
تبقى ولابي هـوى غـلاب = أضنـى محبيـن يشكونـه
يرءف لحالي أولو الألبـاب = ومن جرب الوقت وطعونه
فايز ال محيسن=
دامك سلمت الهوى النهاب = وشفت المودين يبكونه
لا تـقرب النـار دون اسباب = نار المحبـين مجنونه
تركي البشري=
ماطاب حضي معي ماطاب = خلا لي النفس مشحونه
عنا الفرح ضارب المجناب = وقتي معي جرب فنونه
فايز ال محيسن=
الحظ مكتوب لك فكتاب = مقدار ولابد تلقونه
والآ الفرح كان صك الباب = دور على للي يفكونه
تركي البشري=
طيّرت طير الغرام اسراب = الحب ظالم في قانونه
فزنا بجوله مع العراب = هذا هدف من تجارونه

رفرف جناحيك ياقلبـي=يكفيك ماذقت من تجريح
اللي وهبته أنـا حبـي=ناثرلك الحب وسط الريح

لاتحسبه حبكـم نزعـه = والا شقاوة شباب وطيش
إختارك القلب لا رجعـه = وأنت تجازيه بالتطنيش

الله خلق بالأوادم فرق = "أوجاج" فيهم وعذب فُرات
وبيناتهم "برزخا ً" يفرق = وكلاً على نيته يقتات

هبّت على خافقي أشواق = وأرسيت يازين في جالك
كلي أمل ترحم المشتاق = اللي من أرض العنا جالك

بخيتان=
في شوق له حيل مشتاقي = عيني تشوفه ولا اقوى فيه
هو صحيح الأمل باقي = فيما بقوله وما يُضنيه
تركي=
أكشف لنا بعض الاوراقي = وبين لنا العلم لا تخفيه
قدام لا لحظة فراقي = تكُتب نهاية لحن تُشديه
بخيتان=
كيف أكشفه داخل اعماقي = وأنا فذاته حكم قاضيه
حجمه فعيني له آفاقي = حجمي فقلبه زمن طاويه
تركي=
شارقتنا بعلمك إشراقي = ياراعي الطيب ومذريه
بأنشدك عن خُضر الأوراقي = ولأهملته الزرع من يسقيه
بخيتان=
ياصاحبي ما أنقطع ساقي = قــدام يضمأ أنا أرويه
اليا نطق بالهوى شاقي = وإذا سألته عليّ يخفيه
تركي=
ياصاحب المركز الراقي = لا باس وانت رجل نغليه
القول ياتي له اللحاقي = في حال أُرفق لنا تنويه
بخيتان=
أحس صدري معه ضاقي = وأحيان ماسمع على طاريه
( لابُعد لاقُرب لا فراقي ) = لكن وجوده على مافيه
تركي=
دمعي وقف داخل حداقي = مما بكم ياجناب البيه
مكتوب ماعنه مدراقي = عمرك كذا أنكتب تقضيه
بخيتان=
بالله لا تضيق اخلاقي = كان الأمل شرط لي تبديه
لو الذهب جبته اطباقي = غير الأمل شي لا تطريه
تركي=
حتى الأمل دون برّاقي = بالطول بالعرض ما يجديه
ولا لك مع الناس ترياقي = غير الأجر ربنا يجزيه
بخيتان=
على الملأ يعلن إحراقي = فبداية الأمر وافق ليه
هيا إشهدوا فيه يارفاقي = جرحي نزف يرفض يداويه
تركي=
ما أضن يجديك إشفاقي = مصير حُتم على راعيه
مذكور في كل الاسياقي = عن فاقد الشيء لا يعطيه