ماجد أبو مديدة=
إعداد ماضي مِضى ماعاد=وإعداد حاضر ومستقبل
سلام وأبغى اللحن ينقّاد=ويفوز بالمركز الأول
قابل البشري=
عْد الحيا لا استهّل وجاد=وإعداد مااقْفا وماأقبْل
ترحيب مايخلِف الميعاد=عن قِمة المجد ماحوّل
ماجد أبو مديدة=
على كِذا منطِق الأستاد=اللي لعذب الصفا منهل
ألقاه دايم على إستعداد=وعن رسم الأمثال مايغفل
قابل البشري=
ياحظ مِنهُ إستفاد وفاد=وكمّل مع اللي معهُ كمّل
ومثلك تعلا بناه وشاد=لُه مد مشهود ومكمّل
ماجد أبو مديدة=
أنا تعنّيت للميراد=بشرب من الما قبل لاأرحل
لكن ظمايا عليا زاد=وصدّرت عطشان ومبهذل
قابل البشري=
لجل إيش صدّرت يالورّاد=قدام لاترتوي وتعِل
ويوم الفرح ليه صار حداد=عكس الذي كنت متآمِل
ماجد أبو مديدة=
عِد الروى حاسُه الحُساد=الكُل مِنهم على مدخل
إن جيت أبشرب أحِس أنكاد=وإن جيت أبرجع أحِس أشكل
قابل البشري=
اشرب وراع الحسد ماساد= يفعل على قد مايفعل
والفارس الماهر الصياد=لابد منه الظبا تجفل
ماجد أبو مديدة=
الأن هيا ندُّك الماد=ونصوِّب الحِسد في مقتل
حتى تعيش القلوب وداد=قدام زهر الهوى يذبل
قابل البشري=
لاعاد تذكر ثمود وعاد=والباب من دونهم مقفل
المنطق اللي على الاشهاد= إن قصَر الوقت وإن طوَل
وماأخبُر رجب هل قبل جماد=يحصل من العلم مايحصل
هذا الكلام الصحيح الجاد=اللي فحكم المثل يفصل

محاوره بين ماجد أبومديده
والشاعر قابل بن فرج البشري
في ضيافةالشاعر / حامد الجدعاني
بمنزله

قابل=
سلام طيب ووفا مبداه=في حضرة اهل الوفا حاضر
قدّام لانبتدي معناه=اللي من حروفنا صادر
ماجد=
ترحيب والطيب سجلناه=للي حضر واسعد الخاطر
واللي يجيد المثل وبناه=مايقصره فالمثل قاصر
قابل=
مايستمع فاللذي قلناه=عنيد مغرور ومكابر
في كل الاحوال ماشيناه=لكن عن خطنا ظاهر
ماجد=
شوف السبب فاللذي سوّاه=إن كنت ماشي على الساير
أما لقي له أحد طغّاه=ولا أساس الأمر باير
قابل=
الكل شاف الذي شفناه=لايُنكر الحاضر الناظر
لكن يمكن بليس اغواه=وابليس ياصاحبي شاطر
ماجد=
ابليس ماهو عذر نقراه=ونسامح الماكر الغادر
خليك صوب الهدف وابراه=وان كان عندك جهد غامر
قابل=
قوّلتنا قول ماجبناه=واصدرت حكمك على الظاهر
واللي من الحرف أملناه=قفّا خياله بلاماطر
ماجد=
لاواخساره على المجراه=لاغاب عنها رجل فاسر
واقول واقسم قسم بالله=صابر على الشاعر الناكر
قابل=
العلم واضح وبيناه=إن كان تفهم على الطاير
واستغفر الله لاتنساه=حلفت ياصاحبي فاجر
ماجد=
طول المجادل معك ما ابغاه=والرد مـن جانبـي نايـر
شفنا حصيلـك وصورنـاه=في معمعة مـا لهـا آخـر
بكرة يجي للحـوار قضـاة=وتشوف مين الذي خاسـر
وآخر كلامي بختـم مضـاه=كلاً حسب منطقـه شاعـر

في زياره للشريف مشعل بن سالم العمري
اول أمس الإثنين 8 / 2 / 1430 بمنزله في هدى الشام
ونحن في معية الشيخ / عايش الصبحي
ورفاقنا جميل الصبحي & سامي الصبحي
عبدالله المحلبدي & محمد أبوحرق المزروعي
وبحضور كلآ من الشاعر مسعود المعبدي &
الشريف محمد حبيب الله & أحمد بن رزين & حامد أبوزيد ومجموعه من الأخوان الأعزاء
وقد دارت هذه المحاوره
بين أخوكم
ماجد أبومديده من جهه
&&
الشريف مشعل و قابل البشري من جهه أخرى
ويصحابنا سامحونا
:0736:
ماجد أبومديده

ابـــوفــــرح =
لـو الجمـل نـوّخ الناقـه = وامسى رسنها على يمنـاه
كان اصبحت مالهـا فاقـه = وارتـاح منهـا عبـاد الله
قـابـل البـشـري =
شعيـل نشبـان فنيـاقـه= عنـده مـن الخيرماكفـاه
بعدين ماهي مـن أخلاقـه= يقعـد يراقـب فخلـق الله
ابـــوفــــرح =
بعد الجمـل انثنـى ساقـه = وعاد الكلام اللـذي قلنـاه
فرصه نبـى نشـد بوثاقـه = ونقول ليل الصفا مااحـلاه
قـابـل البـشـري =
القـول غلقـت مغـلاقـه = جديـد حرفـه ولاعـدنـاه
وان كان ماشطـب اوراقـه = ليـل الصفـا كلنـا نبغـاه
ابـــوفــــرح =
تـو الحيـا نـاض براقـه = نـوه تهـامـل وزان ذراه
وانا علـى نبـض خفاقـه = بشرح ظروفي مع المأسـاه
قـابـل البـشـري =
الطرف برق الحيـا شاقـه = وهجوس فكري سرت مسراه
القلب وش خافـي اعماقـه = اللـي عليكـم تـجـر الآه
ابـــوفــــرح =
اللي مـرار الاسـى ذاقـه = ياصاحبي والزمن اعضـاه
كيـف يتحكـم فاشـواقـه = لاداعبه طيف مـن يهـواه
قـابـل البـشـري =
الشـوق لـه نارحـراقـه= والصبر ماهوعـلاج ل(داه)
اروي ظما نفـس مشتاقـه= يكفي على القلـب ماعانـاه
ابـــوفــــرح =
منـابـع الـجـم دفـاقـه= والروح عند الطلـب تفـداه
لاكـن يامصعـب فـراقـه = اللي اسـر خافقـي ذكـراه
قـابـل البـشـري=
القلب لـه عيـن عشاقـه = ماترتـوي غيرمـن رؤيـاه
ويامقـرب البـاب للطاقـه = يامشتكي مـن الـم فرقـاه
ابـــوفــــرح =
ابطيت وانا علـى الساقـه= مابين عد الصفـا ورشـاه
ولاعاد نفسي بهـا طاقـه= عطني قرارك وحط مضـاه
قـابـل البـشـري =
العلـم يحـتـاج لليـاقـة= واللي بـدا حرفهـا وفـاه
وآخـرقـراره وميـثـاقـه=أما اتبع القلـب ولا انهـاه

مع الشاعر قابل البشري ( الجمل )=
نبغى دفاتروكشف حساب = فاللي عليه وفاللـي لـك
والياحصلك طريق وباب = الحق على الباب لاينصك
ابوفرح=
اقرب تراها فراس النـاب = حضر شهودك وهات الصك
ماعندنا حسـاب للطـلاب = والباب لـو ينقفـل ينفـك
الجمل=
مافيه بين الخصوم حجاب = والبينة مايصلهـا شـك
واماتوقيت رمـح ذيـاب = مالك عليه ولالـي بـك
ابوفرح=
السيف عندي يجز رقاب = والصرح عالي ولايندك
ماهمنا رمـاح للحـرّاب = والنار من طبها يهلـك
الجمل=
اعرفك وقت اللقا ماتهاب = و قليل في وقتنا مثلـك
بس المنايا لها اسبـاب = كم جندلت من بطل قبلك
ابوفرح=
ان كان تسمع من الشياب = خلك على نهج يشفعلـك
ماحدٍ لجور الزمن غلاب = واللي تسويـه يرجعلـك
الجمل=
ابا اعتزل واعلن الاضراب = ولا انت ربـي يوجهلـك
هـذي وكالـه بلابـواب = فهمـت ولا اوضحـلـك
ابوفرح=
بعد الصفا في صفاه انصاب = عن مجمل الوضع بشرحلك
يامجمّـل العلـم بـاالآداب = لاني براضي ولااسمحلـك
جميعنا صقور في مرقـاب = واخوان فالدرب والمسلـك
(ولهّنا) عن الطيبه مجناب = لـو انهـا ليلهـا احلـك

ياقابل اسمع كلامي زين=من دون لفة وتحويلة
بسألك هل الكلام الشين=يزين لازان تأويله ؟